<typohead type=3>Von Japse, Piefkes und Itacka... </typohead>

 

Sonntag, 8. Juni - Dere Loandsleid und Auslända! Wias iha sicha wißtz, morgn stat unsa schene Loandesrundfoahrt. I bin a dabei, ois Käptn und i glaub i wead des Ding zimli kloa gwinnan. Wea den sonst? Und wias lafn wead, kennts in die näxtn Toag doa lesn.

 

Montag, 9. Juni - So, des woar heid a Scho in Soizbuag. Voi vü japanische Turis. Die hoam vermutli des easte Moi a Radlrennan gsägn. Sie woan total narrisch drauf und hoam no mea Fotos gschossn, wia die poar Varruckte, die ma voi oaim in Deitschloand imma siagt!

Zum Rennan, joa, wia san dän vermeintlichn WeeM Kuas von 2006 gfoahn. Doa hoab i blöfft und bin einfoach nua mitgroit. I wü joa net meine Koartn zfruah aufdeckn.

 

Dienstag, 10 Juni - Heid woa Schongoang oangsoagt, füa die morgige Königsetappn aufs Hoan. "Vergeudet mir nur nicht zu viele Körner", hoat Matschälla am Morgn dazöht. A komische Sproach hoams scho die Piefkes. Oba egal, jetzta gfrei i mi scho aufs Hoan. Des wiad mei Toag!

 

Mittwoch, 11.Juni - Schei...!!!!! Da Pannenhanni!!! I hoab a Stinkwut! I kennt eam daschiaßn! Greift a einfoach oan und gwinnt. Dazua mit 3 Minutn Voasprung. Und doan no die goanzn Itacka am Beag, die üban Brenna komman san. Im Zü hoat a sie doan bei mia quasi entschuidigt. Ea hoat doacht, i bin heid net so guat drauf und wei so vü Fäns von eam doa woan, woit a eana woas zagn. So a Voikoffa! Des is mei Heimatrundfoaht! Und net amoi bedoankt hoat a sie, doas i des Föd hintn kontrolliat hoab. Die deppate Wiesbaua Wuascht woit ea ma schengan! Und die Wurst, i soags eich, kommt die zu mia und soagt bloß: "Peter du solltest gestern Körner sparen, nicht heute!" Gebts ma a Gweah!

 

 

Beitrag von Susan und Werner